Shillong: U lat ka jylla, u Tathagata Roy ynnin ka sngi da wai u ya ka yalang hajrong ka rukom e dawai kynbat kawa tip leh kam ka Indigenous System of Medicines kawa da pynman da ka MEBAAI Tribal Health & Wellness Centre ha Hawkers Free Zone Market, Golflink wei ya kani ka yalang da pynlai da u montri ka chnat i chait i khiah ka jylla, u A. L. Hek.
Hawa e yei klam ha kani ka sngi wai u Lat kam u kongsan da ong u wa i rukom e dawai kynbat man i iwa da rim wei emkaam wow pynchlur yei pynemkaam ya ki phlang kynbat wa em hapoh jylla. Da kyntu u leh wow pynjanai ya i rukom e dawai, wow booh ya ki kynbat ha i thoh i tar, ha i puræ puthi, wa kiwi kiwi.
Hajrong i e sumaar wym syad dor neibynta waroh kiwa hapoh jylla, u Pravin Bakshi, Secretary Health and Family Welfare ha i klam waiphang da ong u wa kamwa 550 ngut kiwa e dawai da chah hikai ki ha ka Bio Resources Development Council and Institute yong ka sorkar jylla na ki 1800 ngut kiwa da tip pyrtuid (registered and documented) da ka sorkar jylla.
Kiwi kiwa da e klam kynthup ki ya u Dr. H. Bani, Khasi Healers, u Thomas Iangjuh, Jr. Scientist Bio Resource Development Centre, Dr. Pradeep Joyti, CMD Vasudeva Kerala, Dr. Arun Shukhla, Prof. Engineering & Bio-Sciences, IIT Kanpur wa u Dr. Mithu Baidya, Project Scientist, IIT Kanpur.
Discussion about this post