Hadooh kamwa 200 tylli ki soskular da soi ynne ka sngi pynkut ya ka DefExpo 2020 ha nongbah Lucknow, Uttar Pradesh (UP), kini ki soskular kynthup ki ya ka Memorandum of Understanding (MoU), Transfer of Technology (ToT), wa kiwi kiwi kamjooh leh i pynlait ya ki tiar yaleh wa dang chna thymme hapoh ka ri.
Kini ki soskular wa da soi hapyrdi ki karkhana napoh ka ri wa kiwa na baar man ki leh kam chibynta wow pynkhlan ya i yajan wa ka ri khnang wow pynchlur leh wow sdang chna ya ki tiar yaleh hapoh ka ri. Ha kani ka sngi da emlang leh u montri yada ri, u Rajnath Singh wa u montri rangbah ka UP u Yogi Adityanath.
U Rajnath hawa e i klam ynne ka sngi da ong u wa i soi ya kini ki soskular man ki kam chibynta yong ka thong u montri rangbahdooh ka ri, u Narendra Modi wow kynjoh $5 Billion i dai tiar yaleh ka ri ha kini ki 5 snem.
Da ong u leh wa ki MoU wa da soi ynne kynthup ki ya 23 tylli wa da soi hapyrdi ka sorkar Uttar Pradesh ki wow kynthup ya T. 50,000 klur wow ye u kreh ya ki 3 lak ngut.
Chooh chooh da pyntip u leh u wa ka HAL daw dai noh ko ya ki lieñsuiñ Dornier 19-Seater Civilian Aircraft ya ka jylla U.P.
U Dr. Ajay Kumar, Defence Secretary da ong u wa ha kani ka DefExpo u man ko kawa sah kynmoo heiwa da soi ya ki soskular wa boon tam.
Ynne ka sngi neiliang ka OFB da pynlait paidbah ko ya ka “Sharang” ka 155mm artillery gun kawa ye u siat bom hadooh i jngai (Range) wa 36 km.
Da pynlait ko leh ya ka ka suloi JVPC Alpha wa ye u kuli u lai jngai (range) wa 100 mt, ka Light Machine Gun wa ye u jngai 800 mt wa ka UBGL – Under Barrel Grenade Launcher.
Neiliang ka Bharat Dynamics Limited (BDL) da pynlait ko leh ya ka Amogha-3 Anti-Tank Guided Missile; u Varunastra Anti-submarine Torpedo, wa da chna chirup wa ka DRDO.
Discussion about this post