Jowai : Hadien wa da mih ka hukum na ka sorkar wow pdiang lut ya waroh ki khynnah kiwa kwah u lai puræ ha Kiang Nangbah Government College wei hadien ini da booh le sngi nadooh ka 27 hadooh 29 tarik wow wan report ki khynnah wa dang dooh thaw puræ XI wa BA.
Ynne ka 29 tarik katkam ka yutip wa tikna na kani ka thaw puræ da wan waroh hadooh 245 ngut kiwa wan report.
Na kini ki 245 ngut em hadooh 145 ngut kiwa wan report ha ka Class XI Arts katwa em 20 ngut ha ka XI Science.
Ha ka BA won da wan report hadooh 80 ngut ki khynnah.
Da pyntip wa da e Bill Book cha waroh kini ki 245 ngut iwa mut wa da pdiang (Admit) lut ya ki waroh.
Kam wow pyntip heini ki class da sdang ki la kamwa chi bnai kattu ha kini ki le tylli ki class.
Discussion about this post