U montri ka sorkar pyrdi wa pait ya ka chnat Information and Broadcasting, u Prakash Javadekar da ong u wa i buit wow pynman ya ka lympung pynyoo baiscope namo ka Film Festival hajrong u Coronavirus toh iwa miat bha, wei yeini da ong u heipor wa e klam ha ka International Coronavirus Short Film Festival heiwa da wanrah hadoh 2,800 tylli ki phlim na ki 108 tyli ki ri.
Da ong u wa kani ka khlam da wanrah ko yei eh i khoo wa joor ya ki ri ka pyrthai wei ka India da ye bha ko wow yakhun pyrchah ya kani ka khlam hapoh i yahkhmat u montri rangbahdooh u Narendra Modi uwa da chynna jngai yeiwa daw ktah ka khlam nadooh wa sdang u 2020.
Da ong u leh wa u COVID-19 da sdang wiar u wei ki dawai leh daw em noh ki ha India.
Chooh chooh da kyntu u ya ki paidbah wa ymtoh u kheiñstiñ ki chwa wow yoh ki ya i dawai yada.
Da pyntip u leh wa ka 51st International Film Festival of India kawa daw pynman ha Goa, u Javadekar da pyntnip u wa ki paidbah ye ki wow pait ya kani ka Festival Online.
Neiliang u montri wa pait ya ka Minority Affairs u Mukhtar Abbas Naqvi, da e khublei u ya u Javadekar wa ka Ministry of I&B kawa da ye bha u pynsñiawthooh paidbah hajrong u khñiang COVID-19.
