U Chief Minister ka jylla, u Conrad K Sangma ynne da kyntait u yeiwa kam ka Liang Pyrchah wa ki Programme e kreh ka sorkar da man kiwa sepai deiwa ong u wa ki khynroo ka Meghalaya da yoh myntoi bha ki na ki Scheme kam ka FOCUS wa CM-Elevate.
Hajrong i kylli u MLA ka TMC, u Dr. Mizanur Kazi, u Conrad da ong u wa katkam ki Survey, yaphær ki na ka 6.0 ha u 2022-23 wa 6.2 ha u 2023-24 heiyatoh wa kiwa khih mylla wa 3.1 katkam ka yukheiñ ka CMIE.
Da ong u wa deiwa wanrah ya kini ki Scheme da yoh kreh ki 3.66 lak ngut ha ki snem wa dadep.
Da kdaw u wa kamwa 50% na kiwa chong chnong toh kiwa hapoh 20 snem wei boon i eh u chem ha luti kamtæ emkaam u wanrah boon ki Programme lyngba ki Mission waphær waphær.
Da khana u wa na ka FOCUS Scheme, da pynlait Rs. 140 klur cha ki 22,500 seiñ kreh (Group) heiwa 2.1 lak ngut wa myntoi, ka FOCUS+ da kynjoh ko 1.5 lak ngut kiwa myntoi.
Chooh chooh da kdaw u wa na ka CM-Elevate kawa yarap ya kiwa seiñ kreh du hapoh 20 sngi, da em 22,000 ngut kiwa pyndap hadooh wa hap wow khang chipor ya ka Website.
Heiyatoh wa ka Dial 1971 da ong u wa ki paidbah ye ki wow yoh yutip ya ki Scheme, ye ki leh wow ujor ka wow lai cha u Joint Secretary næ Nodal Officer, wei lada ka File slem ko palat 10 sngi daw man ko kam ka rong soo khnang wow ye u pynbait yeiwa da ujor.
Discussion about this post