Jowai: Hadooh ynne i janmiet heipor 3 waje, ki chipai ngam um (Divers) ka Indian Navy kiwa pynemkaam ya ka kor UWROV (Under Water Remotely Operated Vehicle) da neh ki hadooh 3 kynta hapoh ka krem mooyong wa chlai um wei da chem ki ya ki dieñ wa u mooyong ha madan ka krem pynyieñ (shaft).
Hapoh ka krem ha chwa wow poi cha tre duna bha i bor chynna (Poor Visibility) wei chynna du kamwa chi phut neibhah wa ka um man ko kawa jngut.
Da chem leh ya kawi ka thlu mooyong (rat hole) ha kani ka krem wa u mooyong ha khmut kani ka thlu.
Ki chipai ka Indian Navy da ong ki leh wa daw rap suk ukreh lada ye u pynduna ya ka um.
Dang pteiñ hi wow sai (pump) ya ka um na kani ka krem mooyong wei da pynkhreh leh wow booh ya ki kor wow sai ya ka um na kawi tawon ka krem mooyong wa em hajan.
Discussion about this post