Ka manbei kawa chah khang luti nei sahkut kari ha ka 16 tarik, ka Daphiralin Jyrwa da ong ko wa da sahkut ko hadooh 3 kynta ha sarokbah ha ka thaaiñ Pamphyrnai, wei manda lait ko da sahkut biang ko sa ha Umlieh neidaw wa em ka khwe pyllah iwa da kset sbak yei lai i wan ki paidbah.
Kani ka manbei kawa da dooh noh ya i khonboo chynrang ya iwa da kha hapoh kari da ong ko wa heipor wa mih na chnong Mawthawniaw ym em chitom ko, tangwa da sñiawthooh ko wa i por wow kha da jan i tangwa da sahkut ko ha luti hadooh wa da jia ini waroh iwa sñiawsih.
Da ong ko wa da mih ko na chnong da ka kari kamai da i thmu wow wan chah sumaar cha Shillong wow yoh i sumaar wa rap miat, tangwa manda poi ha ka thaaiñ Umphyrnai da chem ko ya ini i jia, wot hawa da pyrchang wow pynsñiawthooh wa ya ki paidbah wa kani toh ka kari wa kit ya kawa chitom wei emkaam jhan wow mih neini wei neidaw wa ymye wow poi cha Shillong ya kani ka manbei da sumaar noh ha Holy Cross Hospital ha Mairang.
Ka Daphiralin Jyrwa ym em u boh ko yeiyi yeiyi tangwa sñiawsih ko wa du neidaw i khwe pyllah da poi i jia cheiwa sñiawsih deiwa kyntu ya kitu ki bru wow pyntikna wym jia de kamni.
Discussion about this post