Ka Free Health Check-Up wa pynman da ka KSU East Jaiñtia Hills District Unit ynnin ka 11 tarik deiwa ya krehlang waka downtown Hospital Guwahati ha Khliehriat West Community Hall da man ko kawa lai bait heiwa da em kamwa 300 ngut ki paidbah nadooh ki khonboo, ki khynnah, ki khynroo khyllood, ki waheh, ki tymmen wa ki manbei kiwa da yoh myntoi neini.
Ya kani ka Health Check-Up da wan wow wai da u Kyrmen Shylla, MLA ka thaaiñ kamjooh leh u Montri ka sorkar jylla uwa da pynsñiaw yei sñiawngooh ya ka Downtown Hospital kamjooh leh ya ka KSU-EJHDU deiwa ong wa nadooh wa khang ya u mooyong da ka NGT da ktah ya ka kamai kajih ki paidbah ki wym yoh poisa de wot wow thied dawai.
Ki jait kjut wa da pait ha kani ka sngi toh nadooh kiwa khut chkoor, rdang, ki kjut khynnah, ki kjut kynthai wa ki kjut Cancer wei da e leh yei dawai dei mynkna.
Neiliang ka Downtown Hospital ha kani ka sngi da e ko leh ya ka Card yong ka Hospital yow e duna 10% hawa wan chim dawai naka Hospital wa kynthup yei bai sah, ka bai Check-Up wa kiwi de.
