Ka montri khynnah ka sorkar pyrdi wa pait ya ka Social Justice and Empowerment, ka Sushri Pratima Bhoumik da ong ko wa ka PM CARES for Children Scheme da sdang ya ka nadooh ka 29 Naisan 2021.
Da pyntip ko wa ka Ministry of Women and Child Development da man ko ka chnat wa pynkrehkaam ya kani ka Scheme deiwa pynsakhiat (verification) ya kiwa toh u yoh myntoi na ka.
Hapoh kani ka Scheme da e ya ka Scholarship wow yarap wei wow kyrchaan ya kitu ki khynnah wa dooh ya ka bei namo u pa ha ka khlam COVID-19, khamtam ha i puræ puthi hadooh wa kynjoh ki 23 snem i rta.
Ya kani ka Scholarship wa T. 20,000/- chi snem da e cha kini ki khynnah wa lai skur nadooh Class 1 hadooh Class 12 da ka Ministry of Social justice & Empowerment wei hadooh katni da em 3700 ngut ki khynnah wa yoh myntoi na kani ka Scheme ha uni u snem.
Kini ki khynnah wa da yoh myntoi kynthup ki ya ki 5 ngut na Ri-loom Jaiñtia (2 ngut na West Jaiñtia Hills wa 3 ngut na East Jaiñtia Hills).
Puræ Chooh: Ar ngut ki khynnah na West Jaiñtia wa yoh myntoi hapoh ka PM CARES
3 ngut ki khynnah ka East Jaiñtia wa yoh yarap na ka PM CARES
