Hadooh 40 tylli ki lieñsuiñ dooh ka Russia ha ka chi sngi nei siat ka Ukraine

Ka Defence Ministry ka Russia da beiñ ko ya ka Ukraine wa pynemkaam ko da ki First-Person View (FPV) Drone ynnin ka sngi wow hiar thma ya ki Airfield ha kylleiñ ka Russia wa kynthup ya ka thaaiñ Murmansk, Irkutsk, Ivanovo, Ryazan wa Amur.

Ha i pynlait khubor ka Russian Defence Ministry da ong wa ini i chah hiar thma khamtam ha Murmansk wa Irkutsk toh iwa dei pynemkaam da ki Drone wa da pynhær najan (napoh ki Truck) heiwa boon tylli ki lieñsuiñ wa da iñ tangwa khlem em i dooh yei mynsien namo i mynsoo ki bru.

Neiliang u President ka Ukraine, u Volodymyr Zelenskyy ynne da ong u wa ki chipai ka Ukraine da pyndep ki dei miat yei kaamram deiwa dat ya ki thaw chipai khamtam hapoh Russia.

U Zelenskyy da e khublei u ya ki Security Service wa waroh kiwa da emkti heiwa da ye u pynhær 117 tylli ki Drone wow dat ya ka Russia we ini toh iwa da chimpor hadooh kamwa chi snem chiteiñ wow pynkhreh.

Related posts

Mynjur ka sorkar wow booh Evening Section ha Kiang Nangbah Govt. HS School, Jowai

June 3, 2025

Hapoh 10 sngi u pyndep yei kreh ya u sarok NH-6 ha Khliehriat sa ar bnai ha kiwi ki thaw, ong ha NHAI hakhmat u DC

June 3, 2025

Da kam u leh wa 34% na ki lieñsuiñ kit Cruise Missile ka Russia da sih ki nei dat ka Ukraine iwa da ktah bha ya ka Russia.

Chooh chooh da ong u wa da hun i mynsien u neibhah wa oo wa pait yeini i pynkhreh wow hiar thma iwa da chimpor 18 bnai.

Ka Security Service ka Ukraine da ong ko wa i pyrtuid kani ka Operation toh ka “Spiderweb”- heiwa da man ko kawa jop khamtam nadooh u 2022 heiwa du ha kani ka kynti ka Russia da dooh ko 40 tylli ki lieñsuiñ wa kynthup ya ki Tu-95 wa Tu-22M3 Strategic Bombers wa ki A-50 Surveillance Plane.

Kani ka Operation wan ko chi sngi chwa wow em i klam yasuk hapyrdi ka Russia wa Ukraine ha Istanbul.