Hadooh 40,500 ngut kiwa pynemkaam drugs ha Meghalaya

Ka International Day against Drug Abuse and Illicit Trafficking da pynman ya ka ynne da ka Meghalaya Police chirup waka Social Welfare Department ha U Soso Tham Auditorium heiwa u Montri Rangbah, u Conrad K Sangma da man u kam u kongsan.

Hawa e yei klam, u Conrad da ong u wa ka sorkar pyrchang ko wow pynman ya ka jylla kawa lait nei drugs. 

Da ong u wa i rukom krehkaam ka sorkar toh ha i rukom wow em ki wakreh wow yakhun pyrchah ya u drugs khnang wow myntoi ki khynroo.  

Da yaroh u leh ya ka chnat pulit kiwa da ye u kem ya kiwa dai drugs wa i drugs iwa chongdor da ki phaw kular wa da yoh kem ha ki bnai wa dadep neibhah lada ym ye u khang yeini, waroh ki kaam wa da wanrah ka sorkar neibynta ki khynroo da man ko iwa sepai khamtam ka mynried ki khon khynroo kyllood ka Meghalaya neibhah kiwa chah ktah ym du ki khynroo tangwa wot ya ka yung ka sem kamjooh leh ka imlang sahlang.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Chooh chooh da ong u wa ki pulit wa kiwi kiwi ki chnat sorkar da yaleh ki wow pynlait ya ki 40,500 ngut ki khynroo kiwa pynemkaam drugs ha ka jylla wow sumaar ya ki khnang wow wan biang ki cha ka imlang sahlang kam kiwa chong chnong kiwa em yei kitkhlieh. 

Da khana u leh ya ka DREAM (Drug Reduction, Elimination and Action Mission) kawa da sdang da ka sorkar kawa u pynlut T. 10 klur chi snem iwa mut T. 50 klur ha ki san snem wow yarap u sumaar ya kiwa pynemkaam drugs ha ka jylla heiwa daw krehlang wa ki seiñ kreh monsñiawbha wa kiwi kiwi. 

Ka DREAM u krehkaam ko katkam Meghalaya Drug Abuse Prevention Policy, 2020 wow pyndoohjait ya u drugs deiwa ya krehlang waka imlang sahlang deilang wa kiwi de.

U Montri Rangbah ha kani ka yalang da pynlait u leh ya ka Drug Free Meghalaya App, da saam u ya ki Drug Detection Kits cha ki Anti-Narcotics Task Force, da pynkupburom ya ki seiñ kreh mon sñiawbha, ki bru samen wa ki pulit ka ANTF kiwa da kreh chitom heiyatoh wa u drugs wei da pynlait leh yei sur rwai “Turn the Tide” da ki Khaki Vibes.

Ha kani ka sngi da emlang u Symbood Montri Rangbah, u Prestone Tynsong, u DGP ka jylla u Dr. LR Bishnoi, u Additional Chief Secretary, Home, u Dr. Shakeel P Ahammad, ki heh pulit, ki sahep ka chnat Social Welfare wa ki khynnah skur.