Jowai: Ka seiñ ki khynnah puræ hapoh ka ri India ka Akhil Bharatiya Vidyarthi Parishad (AVBP), ynne ka sngi lyngba ka tnat Jaiñtia Hills yong ka da pynkup burom ko ya ki khynnah puræ kiwa wan ha khmat na ki jar jiar ki skur wa em hapoh ri-loom Jaiñtia da ka U Kiang Nangbah Best Student Award 2018 ha yalang wa pynman ha ka yungwalieh ka Tpep-Pale.
Ka Neena Rabha, DSP ka WJH kam ka symbood kongsan ha kani ka sngi da ong ko wa dap ko dei sñiawkmen wow yoh u emlang ha kani ka sngi deilang wa ki khynnah skur kiwa ye u yoh nyngkong ha ki jar jiar ki skur yong ki wei sñiawthooh ko yei krehchitom yong ki yow poi cha khmat heiwa ka heipor wa dang lai skur ko burom bha ko wei kwah bha ko leh wow tip kammon i rukom khrehkot, i jait baam wa baam ki hadooh wa stat bha ki.
Da ong ko leh emkaam wow pynemkaam bha ya i por wei kam ka kawa ka-it ya ki yalheke Sport haap bhah yei por wow khrehkot wei wow yalehke. Da pynkynmoo ko leh ya ki khynnah wymhoi u pynlut yei por ha ki phone.
U Dr. H.D. Talang, Scientist ICAR Umiam da klam u chaphang i hun mynsien manda jop ha kawon kawon wa leh i deiwa e nongmuna leh yei kreh chitom yong oo wow poi cha ka thong hanlada wan u na ka manyung wa dooh wa duk wei i wym em poisa ym ye i wow khang wow poi cha i jop lada em i kreh chitom.
U kongsan u Wailadmiki Shylla, MLA hei klam yong oo da pynchlur u ya ki bei ki pa wow phah ya ki khon yong ki wow chim ya kani ka khusnaam neibhah boon na ki kheiñ ki wa ka ABVP toh ka seiñ yong ki dkhar. Da pynkynmoo ya ki khynaah wa ymtoh u lai luti bakla, wow burom ya kiwa sikai yong ki wei ymtoh u dooh mynsien ki heiwa ha oo da maat u boon i eh i khoo tangwa da poi u cha i jop.
Ha kani ka sngi da pynkupburom ya kamwa 43 ngut ki khynnah na ki skur waphær waphær.
Discussion about this post