Ki chipai yada khappood ka ri Bangladesh namo ki Border Guard Bangladesh (BGB) da pyntip ki wa da em hadooh 445 ngut ki bru kiwa liwan na India ha u Khonchonglad (Nov) wa u Kmaichonglad (Dec) yong u snem wa dadep hadien wa pynmih ya ka National Register of Citizens (NRC).
U Director General (DG) ka BGB, u Maj. Gen. Md. Shafeenul Islam da ong u yeini hawa yaklam wa kiwa pathai khubor ha Pilkhana, Bangladesh.
Da ong u wa da kem kamwa 1000 ngut ki bru ha u 2019 kiwa psiah tooh cha Bangladesh na India wei na kini 445 ngut toh kiwa liwan yung ha u November wa December, waroh da em 253 tylli ki Case wa da ujor ha ki Police Station ha ki ar bnai wei hadien won da chem wa toh ki tre ri ka Bangladesh wei da lai ki cha India wow thooh kreh.
“Kini ki bru ymtoh kiwa na India wei kiwa psiah tooh chapoh Bangladesh toh du neidaw ka NRC wei ini man i i wym ye u pdiang”, da ong u.
Heijooh i por da ong u waka NRC toh ka kaam pohyung ka India wei i krehkaam hapyrdi ki ar ri man ko kawa bha wa miat wei ka BGB u pteiñ ko yei kreh yong ka wow khang yei psiah tooh katkam i kaam wa da pynkit haka.
Discussion about this post