Jowai: Ka State Bank of India ha u snem 2017-18 da dep khang ko 41.16 Lak tylli ki Savings Account neidaw wym em ki ya ka Average Monthly Balance namo ka poisa wa duna dooh wa toh u em ha ka Account yow lait u chah khang wei yeini da chem lyngba ka RTI wa da booh u Chandra Shekar Gaud uwa na Neemuch, Madhya Pradesh.
Kani ka RTI da yoh hadien chi sngi wa pynduna ka SBI ya ka kuna heiwa ha ki thaw sor ka bai kuna da pynhiar cha T. 12 wei daw kheiñ sa ka GST heiwa nachwa da chah ah T. 40 chi bnai wei da kheiñ won saka GST.
Ha ki thaw wa cha nongkyndong won da pynhiar dor da T.10 na ka T.40 wei daw kheiñ leh saka GST. Katwa cha ki sorbah da pynhiar cha ka T.15 naka T.50.
Kamwa man kattæ ha ki sorbah emkaam u em bait T. 3000 man u bnai ha ki Account, T. 2000 ha ki thaw sor katwa ha ki thaw wa em cha nongkyndong won emkaam u em T. 1000.
Katkam ka yukheiñ wa yoh naka Finance Ministry ka SBI da yoh nong ko hadooh T. 1,771.67 Klur du na ki dan wa ah ko na ki Account wym ye u booh poisa katkam ki kyndon ka SBI wei heijooh i por leh da pyrchah ki paidbah yeini i chim kabu kani ka Bank.
Discussion about this post