Ka Daistong Village Project Implementation Committee (VPIC) ynne ka sngi da pynman ko ya i thung dieñ kamwa 1300 tre kam chibynta yong ka World Environment Day 2024, hajrong ka phang wa ong “Land Restoration, Stopping Desertification and Building Drought Resilience”.
Chwa wow sdang da yoh i batai wa tbian na u Chairman ka VPIC yei emkaam wow thung dieñ khnang wa ka mariang u pynmyntoi ko ya ki bru wa boon nadooh ka la’ær waka um wa khooid wei wa e ko leh ya ki soh wa har rukom.
U Chairman da kyntu u ya kiwa chimbynta wow leh bha hawa thung ya ki dieñ khnang wow heh u san ki.
Ka Daistong VPIC da pynkhreh ko ya i thaw heiwa ha uni u snem u ye u thung hadooh kamwa 46,000 tylli ki tre dieñ ha ki thaw wa da syllen.
Chooh chooh ka Daistong VPIC da yoh kyrchaan ko leh wow thung dieñ na ka Meglife Project kawa hapoh ka MBDA yong ka sorkar Meghalaya wei u Chairman ka Daistong VPIC da sñiawngooh u leh ya ka JICA (Japan International Cooperation Agency) wa da kyrchaan ya ka sorkar jylla kam ya kani ka thong wow pynyirngam biang ya ki thaw wa syllen.
Da kyrmen skem leh wa lyngba kani ka Project daw ye u wanrah yei kylla i wow pynmyntoi ya ki paidbah ha kiwa boon ki liang.
Discussion about this post