Shillong: Ka soskular chim ram namo ka Loan Agreement for IBRD kawa USD 48 Million neibynta ka “Meghalaya Community – Led Landscapes Management Project (MCLLMP)” da yasoi ya ka ha kani ka 16 tarik uni u bnai ha sorbah New Delhi hapyrdi ka World Bank.
Ya kani ka soskular da soi da u Sameer Kumar Khare, Joint Secretary (MI), Department of Economic Affairs neibynta ka sorkar India wa u Hisham A Abdo Kahin, Acting Country Director, World Bank (India) neibynta ka World Bank.
Da soi leh ya ka Project Agreement hapyrdi u P. Sampath Kumar, Commissioner & Secretary to the Government of Meghalaya & CEO, Meghalaya Basin Development Authority (MBDA) wa u Hisham A Abdo Kahin, Acting Country Director, World Bank (India).
I thmu yong kani ka project toh wow pynkhlan ya ki Community-led Landscapes Management namo i embynta ka chnong ha i wow da u kær ya ka rymaw, ka um, ki sim ki doh wa i wow kyntu kynrong ya i rukom im ki paidbah hapoh ka jylla.
Kani ka kaam da bhah ya ka ha ki le bynta wa kynthup ya ka :-
(i) Strengthening Knowledge and Capacity for Natural Resource Management;
(ii) Community-led landscape planning and implementation
(iii) Project Management and Governance.
Wei i thmu wow pyndep ya kani ka kaam toh hachwa ka 30 Naiynru 2023.
Ka jylla Meghalaya man ko kawa da kyrkhu la ha ki loom ki wah, ki khloo ki kjam, wa kiwi kiwi kiwa ki bru hi chaniah ki wow kamai ja-kpoh hapoh ka jylla. Kani ka project daw yarap ko wow pynneh pynsah wei wow yada ya kini kiwa ki paidbah ka jylla chaniah wei emkaam ki wei daw yarap ko leh wow pynboon ya ka um kamjooh leh u pynmiat ya i khyndaw wa kiwi kiwi.
Discussion about this post