Jowai: Ka “None of the Above” namo NOTA kawa man kawi na ki chaap wa ye u chon hawa thap Vote lada ym em ngait ya ki kyrtong ha ki Election, da man ko ka Party wa le hadien ka BJP waka Congress wa yoh boon Vote dooh hakani ka Election MLA ha Gujarat wa dang dep pynman.
Ha kani ka kynti, ynnin ha ka ñiaw Vote hapoh ka NOTA da chon ya ka boonsien bar kiwi ki party ha Gujarat hadien yong ka Bharatiya Janata Party ka Congress heiwa ka Bahujan Samaj Party da yoh ko 2.07 lak Vote katwa ka Nationalist Congress Party won da yoh ko 1.85 lak Vote.
Katkam ka Election Commission of India da em hadooh 5.52 lak kiwa chon Vote hapoh Gujarat kiwa jied ya ka NOTA iwa man 1.8% na ki Vote waroh.
Da boon ka Vote NOTA bar ya kiwi ki Vote hapoh Porbandar Constituency.
Ha ka Constituency u montri rangbah ka Gujarat, u Vijay Rupani hapoh Rajkot West Constituency, ka NOTA da kynjoh ko cha ka 3,309 Vote.
Ha Himachal Pradesh nawon ym em ware boon kiwa chon ha ka NOTA kamwa man ha Gujarat. Hapoh Himachal dachon du kamwa 33,741 tylli ki Vote ha ka NOTA.
Discussion about this post