Ka Dorbar Chnong Thadmuthlong ‘C’ Phramer ynnin ka 3 tarik da yoh yarap ki manyung yong ka kiwa hap u chongkset heiwa neilang ka Rama Krishna Mission (RKM), Sohra da wan e kyllooid mynsien ko cha ki kattu katni ki kamyung kiwa emkaam yarap.
Ini i e yarap kynthup i ya u khoo, u dai kamjooh leh i dawai AYUSH cha kiwa dang chah ktah ha u COVID-19 kiwa em 18-59 snem i rta.
Hajrong ini i wan e yarap neiliang u Y. Lyngdoh uwa man u Waheh Chnong da pynsñiaw u yei sñiawngooh ya ka RKM Sohra yeini i wan e kyllooid mynsien yong ka kam wow pteiñ yei kaam iwa da sdang nadooh u snem wa dadep heiwa da wan e yarap da ki that wa ki sula cha kiwa chong chnong.
Da e khublei u leh ya u Secretary Maharaj, u Manbha Lyngdoh uwa man kam uwa yahkhmat ya ka Mission wow lai e yarap ko kamni.
Ha kani ka sngi da em 53 tylli ki manyung kiwa da yoh yarap na ka RKM Sohra.
