U Montri ka chnat Animal Husbandry & Veterinary, u Prestone Tynsong da ong u wa em 540 tylli ki sniang ha ka jylla kiwa da chah ktah na ka African Swine Fever nadooh ka 25 Naiynru 2020 hadooh 22 Thohlakhmi uni u snem wei da pyntip wa ka sorkar da pynlut ko T. 15,87,597 neibynta wow yakhun ya kani ka khlam ki sniang.
Hawa jubab yeiwa kylli u MLA ka Umroi, u George B Lyngdoh, neiliang u Montri da ong u wa na ki 540 tylli ki sniang wa da chah ktah ha ka khlam, kiwa boon dooh toh ha Ribhoi District 298 tylli, ha East Jaiñtia Hills 7 tylli, West Jaiñtia Hills 96 tylli, South West Khasi Hills 11 tylli, West Khasi Hills 59 tylli wa ha East Khasi Hills 69 tylli.
Da ong u wa neibynta wow yakhun wei wow yada nei poor ka khlam, ka sorkar da pynbna ko ya ki Standard Operating Procedure, wei da khang leh u wanrah sniang na baar jylla nadooh 2 Naisan u snem wa dadep, wei da phah wow chna ya ka Task Force wa ka Rapid Response team wa kiwi kiwi.
U Prestone da pdiang u leh yei yumut u MLA ka liang pyrchah uwa da ong wa ka sorkar toh u bichaar ko wow su ya ka bai lutsan kiwa ri sniang wa da chah ktah nei wan ka khlam.
