Jowai: Nadooh wa ka National Green Tribunal wa da khang ko u tih wei wow khayi mooyong, ki pulit jong ka East Jaiñtia Hills District hadooh uni u bnai wa da dep da dep register case wei da kem ki hadooh kamwa 319 tylli ki truck wa kit mooyong beaiñ wei hadooh 544 ngut ki bru kiwa emkti ha kani ka kaam.
Katkam wa ong u Superintendent of Police (SP) East Jaiñtia u ma S.Thamar da ong u wa hajrong kini ki case dang em leh sa kiwi kiwa tih mooyong wa kiwa chalan mooyong.
U ma Thamar da ong u leh wa i eh i khoo ka tnat pulit ha kani ka District toh wa duna ware ki pulit hapoh kani ka district heiwa ki pulit haap pait ki nadooh i sah blok ki kari, wa kiwi kiwi ki kaam itæ i daw man i iwa eh wow sylli ya kini ki kaam tih wei kaam chalan mooyong tooh.
Neidaw wym biang ki bor pulit ye u man wa ini i daw wa hadooh katni i chalan tooh ya u mooyong man i iwa kamjooh nadooh nachwa.
Discussion about this post