Kam chibynta yong ka ‘Mission Sagar’, ka jhaad yapam Indian Naval Ship (INS) Kesari ynnin da poi ko ha Port of Male, Maldives.
Ka sorkar India da yaleh bha ko wow yarap ya ki ri wa toh-lok ko wei ha kani ka kynti ka INS Kesari da rah ko 580 ton ki marbaam cha ka Maldives. Neidaw wa em ka khlam u COVID-19 ha ka thaaiñ wa i emkaam wow jngai iwi na iwi da ekti ya ki mar ha ka yalang wa tbian.
Ha kani ka yalang da emlang u Foreign Minister ka Maldives, u Abdulla Shahid uwa da e yaroh wei ekhublei ya ka India wa ka Defence Minister, ka Mariya Ahmed Didi katwa neiliang ka India won da embynta da u High Commissioner of India to Maldives, u Sunjay Sudhir.
Kani ka Mission Sagar da kreh ko leh deiwa yajan wa ka Operation Samudra Setu, heiwa ka ri India da lai thooh ko ya ki nong India na baar ri chirup na ka ri Maldives heiwa da wan thooh ya palat 900 ngut da ka jhaad INS Jalashwa wa INS Magar ha ka 8 wa 10 tarik uni u bnai.
Discussion about this post