Shillong: I pynbna result ka Meghalaya Board of School Education (MBOSE) ya ka result HSSLC (Arts) wa ka SSLC ynne ka sngi lada wyrchaw bha khamtam ha ka SSLC da man sakhiat ko kawa rap phær neibhah ha uni u snem wa da em waroh 60 ngut kiwa poi cha ka kyrdan Top 20 napyrdi ki hajar ngut kiwa yakhun ya kani ka exam.
Ha ka Top 20 da em boon kiwa yoh marks katjooh nadooh ka kyrdan wa nyngkong ter ter da em leh hadooh 5-6 ngut kiwa yoh ya ka jooh ka kyrdan.
Ha ka subject Mathematics leh da em hadooh 37 ngut kiwa yoh 100 na ka 100 marks, katwa 11 ngut ha ka Science and Technology wa 30 ngut ha ka Computer Science kiwa yoh 100 na ka 100 marks.
Ha ka kyrdan wa nyngkong em 2 ngut, wa kynthup ya u Lamphrang Nongspung na ka skur Ram Krishan Mission, Sohra, wa ka Duyu Asung na ka St. George Secondary School, Nongmensong, Shillong.
Katwa ha ka Higher Secondary School Leaving Certificate (Arts) kiwa yoh ha ka Top 10 da em ki 13 ngut.
Ha kani ka exam da wan nyngkong da u Dimsonjem Vaiphei na St Anthony’s Higher Secondary School Shillong katwa uwa wan wa ar toh u Ricardy Dkhar na ka Synod College, Shillong.
Discussion about this post