Jowai: Ka NCC Combined Annual Training Camp wa pynman daka 61 Meghalaya Girls Bn NCC ha ARPS, Laitkor da poi ko chawa kut ynne ka 23 tarik uni u bnai.
Ha chwa kani ka sngi da pynman kiwa boon ki pynyoo rong ya ka dustur riti ka thaiñ mihsngi haka 22 tark kawa da wan sakhi da u Major General Balwinder Singh(VSM), ADG Assam Rifles.
U Major General heiwa klam yong oo da yaroh ya ki NCC Cadet kiwa da wan wow pynyoo ya ka spah ka dustur riti nadooh ki rwai ki chaad ka thaiñ mihsngi.
Da pynchlur u leh wow ngait ki yeiwa da em ha nood ha klong yong ki wei wow bood yeini wow wanrah i yatylli hapyrdi i rukom im ki bru waphær waphær.
U Col. Navneet Gumasta, Officiating Group Commander, NCC Group HQ, Shillong won da saam u ya ki khusnaam cha kiwa jop ha ki yakob waphær waphær kam chibynta kani ka Training Camp kawa da wan chimbynta hadooh 600 ngut ki NCC Cadets na kylleiñ ka jylla heiwa da lehwarom leh ya ka sngi International Yoga Day.
Discussion about this post