Ynne ka sngi kawa man ka sngi wa kyrpang wow yada ya ka rymaw næ ka World Environment Day da pynman ya ka yalang ha Madan Lum Shyllong ka Hima Mylliem hei emlang u montri rangbah u Conrad Sangma, u montri ka sorkar jylla u Hamletson Dohling, ki waheh na ka Hima wa kiwi kiwi.
U Conrad da pyntip u wa ka sorkar da booh thong ko wow thung dieñ ha i thaw wa 700 Hectare ha kylleiñ ka jylla ha ki bnai wow wan.
Hapoh ka Hima Mylliem da booh thong wow thung dieñ wa boonjait kam ki dieñ khloo ha i thaw wa heh kamwa 33 Hectare wei da kyrmen skem wa ki thaw wa syllen daw dap ki da ki khloo, da ong u Conrad deiwa kyntu ya ki paidbah wow krehlang kam ha kini ki por wow thung ya ki tre dieñ.
Kam chibynta yong kani ka sngi, da pynman leh ka i thung dieñ da u montri ka chnat khloo ka jylla, u James PK Sangma ha Wards Lake, Shillong ya kawa da pynman da ka chnat Social Forestry and Environment Wing, Forest and Environment Department.
