Jowai: Ka yung krehkaam ka District Social Welfare, West Jaiñtia Hills District, Jowai ynne da pynman ko ya ka Assessment Camp ka wow sylli ya kiwa em i duna ha i doh i pran kiwa tip leh dei ktien pharæng kam ki Persons With Disabilities (PwDs) yow e cha ki ya ka Unique Disability Identity (UDID) Card.
Kamwa 75 ngut ki PwDs ynne ka sngi na ki le tylli ki Block ka District wa kynthup ya ka Amlarem C&RD Block, Thadlaskein C&RD Block wa Laskein C&RD Block da wan ki ha Yungwalieh ka Dulong, Jowai.
Ka J. Synnah, District Social Welfare Officer da pyntip ko wa waroh ki PwDs haap ki wow register hapoh ka website ka UDID, hadien wa dep register ki daw ye ki wow yaleh ya ka Online Certificate wa ka UDID Card wei ye ki leh u booddien ya ka Application yong ki online.
Da ong ko leh wa ya kini ki Identity Card daw e du ya kiwa em i duna 40% chaneiñ hei doh i pran yong ki. Hadien ini daw suk ki u yoh myntoi na kiwa boon ki Scheme wa e ka sorkar wei kani ka Identity Card u krehkaam ko ha waroh kawi ka India.
Discussion about this post