Jowai: U SP ka East Jaiñtia Hills, u S. Nontnger da pyntip u wa hajrong i chah pynmynsoo ka Agnes Kharshiing wa ka Amita Sangma ha Chohchrieh, EJH ha ka 8 Khonchonglad, neiliang ki pulit da kem ki hadooh 8 ngut ki bru wa suba emkti ha kani ka kaam.
Da pyntip u wa uwi na kini kiwa suba emkti, u Nidamon Chulet na Shangpung da wan pyndem u ha ka 25 tarik uni u bnai wei da pynngat ya oo hapoh ki kyndon 307/392/34 IPC.
Chooh chooh ynnin ka sngi da wan pyndem leh sa u Cheerful Ryngkhlem na Wapung heiyatoh wa kani ka jooh ka kaam wei dang pynman leh ya ka takit ya kini ki ar ngut.
U Nongtnger da pyntip u leh wa dang thooh ki sa ya ki kattu katni ngut kiwa suba emkti hajrong kani hi ka jooh ka kaam.
Discussion about this post