I kylliang chuki ya ki Montri ka sorkar MDA-II iwa da antaad wow jia ha u Naiynñiaw uni u snem, da ye i wow jia ha kini ki ar sngi le sngi wow wan heiwa ye wow em hadooh 8 ngut kiwa daw dooh ya ka chuki Montri sorkar wa kynthup ya ki MLA ka NPP, UDP, BJP wa HSPDP.
Kaktkam i yaklam da kiwa tip yeini, 5 ngut ki MLA ka NPP daw dooh noh ki ya ka chuki wa mar uwi na ka BJP, UDP wa HSPDP.
Ki MLA ka NPP kiwa ye wow dooh chuki toh u Rakkam A Sangma heiwa daw yoh noh da u Brening Sangma, u Marcuise N Marak wa daw yoh noh da u Marthon J Sangma wa u AT Mondal wa daw yoh noh da u Ian Botham K. Sangma.
Kiwi de toh u Comingone Ymbon heiwa daw yoh noh da u Wailadmiki Shylla heithaw yong oo katwa ya ka chuki ka Ampareen Lyngdoh won ye wow yoh da u Banteidor Lyngdoh næ u Gavin Miguel Mylliem.
Heithaw u MLA ka UDP, u Kyrmen Shylla ye wow wan da u Metbah Lyngdoh, u MLA ka BJP won u AL Hek daw kylliang noh da u Sanbor Shullai katwa ya u MLA ka HSPDP, u Shakliar Warjri daw kylliang da u Methodius Dkhar.
Em leh kiwa ong wa u Deputy Speaker warim, u Timothy D Shira ye u wow yoh chuki Montri wei lada jia ini daw dooh noh u Marthon.
U Montri ka chnat Tourism, u Paul Lyngdoh da antaad wa daw pynkit ha oo sa ka chnat Education.
Lait na ki MLA ka NPP, ki MLA na kiwi ki Party da em ki i ya pynbait wow chong chuki Montri sorkar mar chiteiñ ka samoi krehkaam.
Discussion about this post