Hadooh 8 ngut kiwa tih mooyong kem ki pulit ka EJH

Jowai: Ki pulit ka East Jaiñtia Hills da lai sylli ki ya kiwa boon ki thaw hapoh district wow chem ya kiwa tih mooyong tooh. 

Ynnin heipor 10:30 i step u OC ka Khliehriat PS, u SI W. Nongtdu, u SI P. R. Marak ha u sarok Sankilo Umlawang da yoh kem ki ya u Abdul Hussain uwa yah Crane heipor wa sai mooyong u na ka krem mooyong. Da pynngat ya oo hapoh ka Khliehriat PS Case No.  05(1)19 u/s 188/34 IPC r/w sec 3(2)(d) PDPP Act.  

U SI P. R. Marak wa ki pulit yong oo da lai ki ha Sankilo heiwa da kem ki ya u Binod Basumatary, u Bikram Sonal wa u Arjun Rai heipor wa dang tih mooyong ki. U tre kani ka paar toh u Willingness Latam na Moopala. Ya kini da pynngat ha ka Khliehriat PS Case No.  06(1)19 u/s 188/34 IPC r/w sec 3(2)(d) PDPP Act.  

Related posts

Chah kem ki le ngut kiwa rahbor ya ka kynthai na Byrnihat wei dai ka hei dor wa Rs. 3 lak ha Rajasthan

October 28, 2025

Hadien chi snem wa chah rahbor ka khynnah na West Garo chem ka na Delhi | Kha khon mar ya poi Tura

October 27, 2025

Da yoh ya ka ujor na u SF10/SI Aiborlng Syiemlieh wa heipor 11:00 waje i sngi chirup wa u Addl. SP u L. Sangma, u SI L. Kharsyntiew da lai ki cha ka thaaiñ Jaiñtia Cement Bazar chadooh Lelad Junction wei da kem ki ya ki soo ngut wa kynthup ya u Prakash Basumatary, u Jogan Boro, u Danswr Narzary wa u Ram Kumar Rai katwa dang tih mooyong ki ha Lelad Junction. U tre kani ka paar toh u Brojoy Dkhar na Sutnga. Ya kini da pynngat mukotduma ha Khliehriat PS Case No.  07(1)19 u/s 188/34 ipc r/w sec 3(2)(d) PDPP Act.