Ynne ka sngi ki paidbah da mih ki wow thap vote MLA ha Assam, Kerala wa Puducherry. Katkam ka yukheiñ ka Election Commission of India (ECI) hadooh 5:00 PM ha Puducherry da wan 86.92 percent kiwa thap vote, bood sa ka Assam heiwa da wan 84.42 percent wa ha Kerala 75.01 percent.
I thap vote man i neibynta ki 126 Constituency ha Assam, 140 ha Keralam wa 30 ha Puducherry.
Ya ki Vote u ñiaw ha ka 4 tarik May 2026.
Ha Assam da em palat 2.5 klur ngut kiwa thap vote neibynta ki 126 Constituency heiwa da em 722 ngut ki kyrtong.
Na ki 2,50,54,463 ngut kiwa thap vote, 1,25,31,552 ngut toh ki chynrang wa 1,25,22,593 ngut ki kynthai katwa ki 318 ngut won ki Transgender.
Da em 6,42,314 ngut kiwa hapyrdi 18-19 snem; 2,50,006 kiwa palat 80 snem wa 2,05,085 ngut kiwa duna hei doh i pran.
Discussion about this post