Jowai : Ka thap vote neibynta ka Bye-Election yong ka 1 War East Constituency, neibynta ka chuki MDC neibynta ka JHADC da pynman ynne ka sngi.
Ha kani ka jied election da em hadooh 6773 ngut kiwa thap vote ha ki 18 tylli ki polling station ha kani ka constituency.
Ha kani ka sngi da wan thap hadooh 5927 ngut kiwa thap vote iwa man hadooh 87.50%.
Ha waroh ki thaw thap vote hadooh ya kiwa da e kyrdan hyper sensitive leh da man ki kiwa jai jai heiwa ym em iwon iwon i mih awri awra.
Kam wow pynkynmoo heini ha kani ka yakhun da em hadooh 4 ngut ki kyrtong kiwa kynthup ya u Firstborn Manner na ka UDP, u Lamdibok Sumer na ka INC, u Losingh Lakuna kam u kyrtong samen wa u Smen Kyndait na ka BJP.
Ya ka rai næ ka sngi wow ñiaw vote u pynman ha ka 16 Kmaichonglad 2016.
Discussion about this post