Hadooh 9 tylli ki kari wa chah thang hapoh ka jylla nadooh wa sdang ka yakhih pyrchah yaka CAB

Jowai: Katkam wa pyntip ki pulit wa nadooh ka 10 tarik uni u bnai da em hadooh 9 tylli ki kari wa chah thang ha kiwa boon ki thaw ha Shillong kamjooh ha kiwi ki bynta ka jylla.

Ha i step synyaw ka 10 tarik, kawi ka Dumper Truck (ML-05N-0079) kawa kit jhep, da em wa thmu wow thang ka heipor 1:55 i step kawa pynyieñ ha Jeep Stand, Shillong. Tangwa da ye wow tympleh ya i diñ deiwa wan smat ki pulit.

Haka jooh ka sngi heipor 6 waje i step da em wa thang ya kawi ka kari pulit (Maruti Gypsy ML-02-5052) ha laad FCI, Mawlai Mawroh, Shillong.

Haka jooh hi biang ka sngi heipor 4 waje i step da em wa thmu u thang ya kawi ka truck ha wa em hajan ka FCI Godown ha Najing Bazar, West Garo Hills.

Related posts

Chah dung u Doctor ha Chennai; Ong ka Bei wa maya ware u khon ya ka

November 15, 2024

Kem ki BSF 5 Ton u rasun wa 40 tylli ki masi wa chongdor Rs. 15 lak

November 14, 2024

Haka 11 tarik heipor 12:30 i step da em wa thnag ya kawi ka truck wa em ya u number AS-01EC-2914, kawa pynyieñ ha Parade Ground, Williamnagar East Garo Hills. Kani ka truck toh kawa da kem ki pulit ka Williamnagar PS heiyatoh wa i kit mooyong pyrchah yaka aiñ wei da em ko ha kani ka thaw nadooh u snem 2015.

Haka 13 tarik heipor 12 waje pyrdi synyaw da em kiwa thang ya ya kawi ka truck khian wa em number AS-25BC-0356 ha Pahamsohthri, NH-6 Ri-Bhoi.

Haka jooh ka sngi heipor 7 waje i miet da em wa thang yaka thuk thuk wa em number ML-05H-9815 ka yong u B. Nongbri ha Nongmensong, Umkdait, Shillong.

Haka jooh ka miet heipor 10:45 da em wa thang yaka Scooty (ML-05D-5850) ka yong u H.L Gangte ha Madanrting Block-F, Shillong.

Haka jooh biang ka miet heipor 10:45 da em wa thang yaka Scooty (ML-05D-3574) ha Madanrting Block-D, Shillong.

Sa kawi ka kari haka jooh hi ka sngi heipor 12:10 pyrdi synyaw da em wa thang ka ka kari Hyundai i20 (ML-11-2411) ka yong u S. Nongsiej ha Demthring, Shillong. Ha ini i jia da iñ ka chaka kari wan a khmat neilaing tidiang da iñ ko.

Haka 10 tarik, ka sngi wa khut khang chnong ka NESO da em wa tympiah ya ki yit kari kiwa em 14 tylli kiwa pynyieñ harood sarok ha Laban, Shillong.

Ki kari wa chah tympiah yit: (1) Maruti Alto-ML-05F-8597, (2) Hyundai Tourist Taxi ML-05T-0201, (3) Maruti Local Taxi ML-05H-4279, (4) Hyundai Tourist Taxi ML-05Q-3659, (5) Maruti Alto-800 ML-05N-2506, (6) Maruti Eeco ML-05T-7041, (7) Hyundai Eon AS-01MA-3094, (8) Maruti Car AS-15A-1339, (9) Tata Nano Local Taxi ML-05K-0451, (10) Maruti WagonR ML-05G-0272, (11) Maruti A-Star ML-05G-9724, (12) Maruti Zen AS-01Q-0099, (13) Mahindra Gio Carrier ML-05M-9790 wa (14) Mahindra Water Carrier-ML-05B-8716.

Ha iwi tawon i liang da em leh ki kattu katni ki yung wa chah thang wa kiwa thmu wow chah thang heiwa haka 9 tarik heipor 12 waje pyrdi synaw, u Rajesh Jalewa na Qualapatty, Shillong da ujor u wa da em wa thmu wow thang ki i yung u deiwa pakhot da ki that wa kop diñ chapoh pchem yung u tangwa da ye u tympleh ya kini ki that wei ym em ktah ko ya i yung.

Haka 12 tarik heipor 10:45 i miet da em wa kawang moo wa da ki klong ya i yung sah u Rahul ha AG Quarters wa em ha Motinagar, Shillong.

Haka 13 tarik heipor 4:15 i janmiet da em wa kawang moo yaka Youth Hostel, Shillong.

Haka jooh ka sngi heipor 5:45 i janmiet da em wa kawang moo yaka yung krehkaam ka chnat Forest wa em ha Lower Lachumiere, Shillong.

Haka jooh hi biang ka sngi heipor 01:00 waje i step da em wa thang ya i thaw wa pyllang tin jæd nar jæd wa em ha Lum Pariat, Ladthalaboh, Jowai West Jaintia Hills heiwa da iñ lut i.

Haka 14 tarik heipor 12:45 i pyrdi synyaw da em wa thmu wow thang ya iwi i dukan ka Roshni Gupta ha Madanrting, Block-B, Shillong. Ini i dukan da iñ i malu mala.