Shillong: Ka East Jaiñtia Hills District da ye ko u pyndep hadooh 95.36% i e dawai Measles-Rubella Vaccination Campaign (MRVC) heiwa da e dawai hadooh 55,003 ngut na ki 57,682 ngut ki khynnah hadooh ka 3 tarik uni u bnai hapoh ka District.
Ya ka e dawai Measles-Rubella Vaccination Campaign da sdang nadooh ka 24 Naikhynde ha ki thaw sumaar, ki skur wa ki chnong wow pyndooh ya u Ñiangyrchit.
Ka District da pynman ko hadooh soo tylli ki yalang District Task Force for Immunization (DTFI) wa pynlai da u F.M. Dopth, Deputy Commissioner cum Chairman District Health Society, East Jaiñtia Hills District, Khliehriat hei emlang u District Medical & Health Officer, wa kiwi kiwi ki heh ki chnat sorkar.
Da ye leh wow e dawai kam ha ki chnong Kairang, Nongthymme, Suchenrim wa Mulait dei yarap ki waheh chnong wa ki pastor kiwa lai cha kini ki chnong.
Heijooh i por da kyntu ya ki manbei manpa wow yah ki khon ki ki wympu yoh ya ini i dawai wow wan e dawai ki ya ki khon yong ki.
Discussion about this post