Hadooh ka 18 tarik u pteiñ ka Night Curfew ha East Khasi Hills

Shillong: Kam chibynta wow khang yei poor ka khlam u COVID-19 ha East Khasi Hills District wa ka jylla Meghalaya wei wow bood ya ki kyndon ki chnat ka sorkar da pynkrehkaam biang ya ka Section 144 CrPC chirup wa ka Regulation 3 ka Meghalaya Epidemic Diseases, COVID-19 Regulations, 2020 and Guideline No. 5 (i) of Order dated 1^st May, 2020 of Government of India kamtæ da pynkrehkaam ya ka Night Curfew ha waroh kawi ka East Khasi Hills District nadooh ka 11 tarik hadooh ka 18 tarik uni u bnai nadooh 7:00 i miet hadooh 6:00 i step.

Ka District Magistrate da ong ko wa kani ka hukum ym krehkaam ko ya ki pulit wa ki bor sonteri, ki wakreh ha i chait i khiah, ki dukan dailang, dukan dai dawai, ka chnat Fire and Emergency Service, MeECL, NEEPCO, Power Grid, Food & Civil Supplies Department, FCI, PWD, PHE, Shillong Municipal Board, Postal Service, Telecom, Communications & IT Services, Press, Print & Electronic Media, Petrol Pumps wa kiwi kiwi katkam wa da pynbna ka sorkar neipor cheipor.

Kini ki kaam toh u bood ki thij ya ki kyndon ka sorkar kam ka Social Distancing, wow pynduna ya ki wakreh wa kiwi kiwi ki kyndon krehkaam wa booh ka sorkar.

Ya ki Curfew Pass hadien ka 7:00 i miet hadooh 6:00 i step heipor wa krehkaam kani ka Curfew daw ye u yoh lyngba ka Online Application ha ka www.eastkhasihills.gov.in.