Shillong: Kam chibynta wow khang yei poor ka khlam u COVID-19 ha East Khasi Hills District wa ka jylla Meghalaya wei wow bood ya ki kyndon ki chnat ka sorkar, da pynkrehkaam biang ya ka Section 144 CrPC chirup wa ka Regulation 3 ka Meghalaya Epidemic Diseases, COVID-19 Regulations, 2020 and Guideline No. 5 (i) of Order dated 1st May, 2020 of Government of India, kamtæ hapoh kini da pynkrehkaam ya ka Night Curfew ha waroh kawi ka East Khasi Hills District nadooh ka 18 tarik uni u bnai hadooh 25 tarik uni u bnai heipor 7:00 waje i miet hadooh 6:00 waje i step.
Ka District Magistrate da ong ko wa kani ka hukum ym krehkaam ko ya ki pulit wa ki bor sonteri, ki wakreh ha i chait i khiah, ki dukan dailang kiwa dai khutia, dukan dai dawai, ka chnat Fire and Emergency Service, MeECL, NEEPCO, Power Grid, Food & Civil Supplies Department, FCI, PWD, PHE, Shillong Municipal Board, Postal Service, Telecom, Communications & IT Services, Press, Print & Electronic Media, Petrol Pumps, ki Health Services, kiwa leh Online/Home Food Delivery, ki karkhana chna kari wa kiwa dai tiar Spare Parts yaki kari ka Health and Family Welfare Department kamjooh ki kari ki wakreh sorar kiwa phah kaam.
Kini ki kaam toh u bood ki thij ya ki kyndon ka sorkar kam ka Social Distancing, wow pynduna ya ki wakreh wa kiwi kiwi ki kyndon krehkaam wa booh ka sorkar.
Chah hi leh yaki kari wa kit yaki mar wa emkaam, ki chipai, ki tiar sumaar sukher, ki thaw chna truck wa em ha ki sarokbah tangwa kiwa yah kari hap ki wow wow leh yaka Medical Screening.
Ya ki Curfew Pass hadien ka 7:00 i miet hadooh 6:00 i step heipor wa krehkaam kani ka Curfew daw ye u yoh lyngba ka Online Application ha ka www.eastkhasihills.gov.in.
Discussion about this post