Shillong: Hapyrdi wa dang pteiñ i e dawai Ñiangpyrchit wa tip kam ka Measles & Rubella Campaign hapoh jylla, da suba wa u Ñiangpyrchit da poor bha u ha jylla heiwa da em 8 ngut kiwa suba wa yoh Ñiangpyrchit na chnong Samin Rongal, wa haap hapoh Songsak PHC ka East Garo Hills District. U Ñiangpyrchit man u uwa ktah bha ya ki bru wa ye u poi hadooh wow thlah, chitom khlieh, khlot, chitom rupai wa kiwi kiwi.
I takit (outbreak investigation) da pynman da ka district team ha ka 24 tarik uni u bnai wei da suba wa yoh Ñiangpyrchit ki 50 ngut wei da chim leh ya ki sample snaam wa i throat swab. Ya kini ki samples da phah cha Guwahati Medical College wow leh ya ki test wei dang yang ya ki report.
Ha ki snem wa da lai da em 5 tylli ki poor ini i kjut namo ka Outbreak ha Meghalaya wei 3 na ki da pyntikna wa toh ka Ñiangpyrchit German namo Rubella katwa 2 tylli won ki Ñiangpyrchit namo Measles.
Ha kani ka e dawai Measles Rubella (MR) dadep e dawai ya ki 7,75,000 ngut ki khynnah hapoh jylla iwa poi kamwa 60% na ki 12,75,000 ngut kiwa da mang wow e dawai. Kani ka e dawai da boon dooh ko ha wa East & West Jaiñtia Hills, katwa ha East Khasi Hills man i iwa duna iwa du 40% donhi.
Ka chnat i chait i khiatda kyntu ko ya waroh wow ya krehlang wa ka khnang wow man kani ka e dawai kawa jop.
Discussion about this post