U Montri Rangbah ka jylla, u Conrad K Sangma da ong u wa ka sorkar u pynkhreh noh ko da ka Website kawa ye u pynlang pynlum ya waroh ki bru na Meghalaya kiwa lai cha baar khnang wow suk hawa mih iwon iwon i ya kajia.
Hawa klam ynne ka sngi, u Conrad da ong u wa ka sorkar da pynkhreh ko yeini wei daw chim yei mynjur hawa yachem biang ki Montri kawa daw pynman ha kini ki sngi wow wan neibhah hadooh kattæ da chim yukheiñ na ka yung krehkaam u High Commissioner ka Indian Embassy kiwa em cha baar ri.
Ya ini da ong u Conrad hawa kylli chaphang i jia ha Bangladesh heiwa ynnin da hap ki khynroo khyllood wa lai puræ u liwan noh na katai ka ri.
Da ong u wa iwa jia ha Bangladesh toh iwa sñiawsih wei iwa ktah ya ki bru kylleiñ khamtam ki khynroo wa lai puræ ha katai ka ri.
Hadooh kattæ da em kamwa 400 ngut kiwa da psiah cha Meghalaya na Dawki wa kynthup kiwa na Nepal, Bhutan wa kiwi de ki thaw. Da em leh kiwa da liwan lyngba ka Tripura wei ka sorkar jylla dang lum pynlang ko yei pyrtuid kiwa na Meghalaya, wei daw pyntikna u wa ka sorkar chimkhia ko yow yoh ki u liwan deiwa suk cha jylla.
Discussion about this post