Shillong: Ynne ka sngi phra ngut ki dkhot ka Garo National Liberation Army (GNLA) da wan ki wow pyndem chirup wa ki tiar yaleh hakhmat u montri ka tnat kaam pohyung, u James K Sangma ha Shillong heiwa da emlang u DGP ka Meghalaya u Swaraj Bir Singh nalor kiwi ki heh pulit wei da em leh u Pastor S.T. Sangma uwa yah luti ya kini ki 8 ngut.
Kini kiwa wan pyndem da tip pyrtuid kam u Hendison M Sangma (24), u Barningstone S Sangma (24), u Thangkam Ch Momin (30), u Kiubirth S Sangma (22), u Rahul S Sangma (25), u Timbil Ch Marak (25), u Chonbirth Ch Marak (18) wa u Sujit G Momin (21).
Kini ki dkhot ka GNLA da wan pyndem ki chirup wa ki tiar siat wa kynthup ki AK-56, Insas Rifle, 9mm Pistol, Glock, SMG, Rifle, Air Gun, ki kuli, ki tikli wa ki bakhor.
Hawa klam ha kani ka yalang, u James da yaroh u deiwa ong wa kani toh ka luti kawa biang wa jied kini ki khynroo kiwa da chah yah luti bakla wow wan uiñ biang ki cha ka rukom im wa thymme.
Da pynsñiaw u leh yei sñiawngooh ya kiwa yahkhmat niam, ki dkhot yong ki seiñbhalang wa waroh kiwa da ye u wanrah biang ya kini ki khynroo cha ka imlang sahlang.
Da yaroh u leh yei kreh chitom ki pulit nadooh ki SWAT, SF-10, SOT nalor kiwi de kiwa kreh dohyap wow pynrem ya ki seiñ kieñ suloi hapoh ka jylla.
Also Read: Wan pyndem hadooh 8 ngut ki dkhot ka GNLA
Discussion about this post