Shillong: Ha ka yalang pdiang burom ya u Hame Shaniah Suiam ha Mairang Tirot Sing Memorial Hall Pyndengumiong, ki dhkot yalehke Kickboxing na Mairang deilang wa kiwa kitkaam ka Meghalaya State Kickboxing Association (MSKA) da pynsñiaw ki yei sñiawkmen wa khroo hadien wa u Hame Shaniah Suiam da yoh u chimbynta ha ka WAKO World Seniors & Masters Kickboxing Championship 2017 kawa dang kut ha ka 12 tarik uni u bna ha Budapest, Hungary.
U Hame Shaniah da poi u hadooh ka Quarter Final wei da chah pynrem u ha u Radulov Borislav (World No 2) na Bulgaria.
Kiwa emlang ha kani ka yalang da pynsñiaw ki yei sñiawkmen wa khroo hanlada dang duna chiboon kiwa emkaam wow pynbniah ha kani ka yalehke Kickboxing tangwa deiwa yoh u chimbynta u Hame Shaniah wow mihkhmat ya ka ri India waroh kawi da e mynsien ko ya kiwi wow poi ki cha ki ka thong.
Kamtæ neiliang ka Meghalaya State Kickboxing Association da e khublei ko ya ka WAKO Indian Kickboxing Federation kawa chim yei kitkhlieh wow pynpoi ya u Hame Shaniah Suiam hadooh katai ka thong deiwa yoh u ya ka kyrdan wa san ha ka pyrthai ha kani ka World championship 2017 ha ka kyrdan Point Fighting-57 KG.
Ka MSKA da e khublei kyrpang ko cha ki waroh kiwa kyrchaan wei e mynsien ya u Hame Shaniah Suiam wow poi u hadooh Budapest Hungary.
Ka MSKA da pyntip ko leh cha waroh ki khynnah wa yalehke Kickboxing ka jylla wow pynkhreh ki neibynta ka Meghalaya State Level Kickboxing Championship 2017 ya kawa da booh tarik wow pynman ha chwa ka tayaw wa le u Kmaichonglad (Dec) uni u snem.
Kiwa jop daw chah jied ko wow chimbynta ha ka “National Kickboxing Federation Cup 2018, 17 – 21 tarik u Duyatra (Jan)” ka wow pynman ha Talkotara Indoor Stadium, New Delhi.
Discussion about this post