Ka Regional Office ka Central Board Film Certification (CBFC), Guwahati da pyntip ko cha waroh kiwa pynyoo baiscope ha ki Cinema Hall wa Public Hall/Auditorium wa em ha kylleiñ ka Northeast India wa hap ki wow bood ya ka aiñ Cinematograph Act, 1952, ka Cinematograph (Certification) Rules, 2024 wei kamjooh ki kyndon wow pait yei rta kiwa wan pait phlim yow lait na iwon iwon i thut.
Ki phlim wa da pynlait toh katkam ki rta wa hoi u pait:
“A” Certified Films: Kini ki phlim ym chah wow wan pait kiwa dang hapoh 18 snem i rta. Hap leh wow pait bniah yei ID wei hap wow booh ki Notice wa batai che yeini. Lada chem wa em ki khynnah wa khian rta kiwa psiah, daw toh kuna kiwa pynyoo Cinema Rs. 10,000 uwi u khynnah, wei ye leh u chah kset hadooh 3 snem deilang ka kuna wa Rs. 10 lak.
UA Certifications (Parental Guidance): Kini man ki kiwa UA7+ (Caution for Under 7), UA 13+ (Under 13), UA 16+ (Under 16). Kiwa pynyoo Cinema hap ki wow batai che yeini deiwa booh ya ki Display Warning wei wow pynchlur wow wanlang ki bei ki pa. Ki wym leh yeini ye ki wow toh kuna.
Da khang leh wow pynyoo paidbah ya kiwon kiwon ki phlim ki wym em ya ka CBFC Certificate wei kiwa leh yeini daw chah kset ki hadooh 3 snem deilang ka kuna.
Hap leh wow pynyoo ya ki PSA/Social Film kiwa da yoh yei mynjur (Approved) chwa wow sdang ka Feature Film wei ki wym leh yeini daw toh ka kuna kawa hadooh Rs. 1 lak wei ye leh wow chah pyndam ka License.
Da khang leh wow ah wow pynkylla khlem da yoh bor.
Discussion about this post