Hadooh Rs. 51 klur yoh kem drugs ki pulit ha Rattachera

Hadien wa da tip tikna wa kiwa khayi drugs pynemkaam bha ki ya u sarokbah NH6 wow lai luti na Meghalaya cha kiwi ki bynta ka India.

Kamtæ ki pulit ka ANTF hapoh i yahkhmat u Addl. SP, SI Pradeep Das; SI Manish Chettri, WPC/2505 Catherine Khongsti; WPC/2884 Naphisabet Lyngdoh wa kiwi da lai ki cha Rattachera wow pynman yei kynreh kari.

Ya i kynreh da sdang nadooh 1:00 waje i step synyaaw ynne ka 6 tarik ha Anti Infiltration Checkpost, Rattachera.

Ha ini i por kawi ka kari Tata Sumo wa em Number  MZ-01M-8625 da pynsangeh ya ka heipor 6:00 waje heiwa da chem ya ki mar wa suba toh i drugs.

Ha ka kari da em ka Rebecca Kigpen wa u Lal Thawmthang, wei da yah ya ka da u Lalrinawma.

Ka Rebecca Kigpen da pyrchang ko wow yut tangwa da yoh u kem ka wei hawa kynreh ya ka da chem wa murieh ko yei drugs.

Related posts

Chah kem uwa na Manipur uwa dai Drugs ha Shillong

March 5, 2026

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Na ka Rebecca Kigpen da chem 19 tylli ki khieh synduk sabon wa em i Heroin wa khia 203.7 grams wei na ka kari da chem ya ka muna Trolley wa em ki dawai kuli Crystal Meth (Methamphetamine) yong u Lal Thawn Thang kiwa khia 10.145 Kg.

I dor kini ki drugs man ki kamwa Rs. 51 klur.

Ya kini da kem wei i takit dang man iwa lai chaphrang.