Na kiwa lai puræ PGP Batch 2022-24 ha IIM Shillong, da em wa yoh kreh deiwa yoh tulop hadooh Rs. 71.50 lak chi snem wei deiwa kheiñ yonglang waroh dapoi kamwa Rs. 26.10 chi snem ka tulop wa da yoh ki hadien wa da pyndep yei puræ ha uni u snem wei deiwa wan ki Company wa thung kreh.
Waroh da em 283 ngut kiwa yoh kreh deiwa wan 87 tylli ki Company kiwa thooh bru ha ki jait kaam Consulting & Strategy, Finance, General Management, Human Resources & Operations, IT & Analytics wa Sales & Marketing.
Ki Top 10% na kiwa lai puræ kiwa dapoi chakhmat da yoh ki ka tulop kawa Rs. 43.15 lak chi snem, kiwa em haka Top 20% da yoh ki yaka tulop kawa Rs. 38.43 lak chi snem wei ki Top 50% da yoh ki Rs. 32.39 lak chi snem.
Ki Company wa da wan thung kreh toh ka Adani Wilmar, Aditya Birla Capital, ADP, Affinity Global, Anicut Capital, Accenture Strategy, Axis Bank, Bain & Company, Capgemini, Cipla, Deloitte USI, EY India, Goldman Sachs, Grasim Industries, Hero MotoCorp, HSBC Bank, ICICI Group, Infosys Consulting, ITC, JP Morgan Chase & Co., Mahindra Logistics, McKinsey & Company, Microsoft, Nomura Investment Bank, Pidilite Industries, Tata AIG, TATA Steel, Tiger Analytics wa WNS.
Da em leh kiwa wan hei sien wa nyngkong kam ka Accenture Technology Consulting, Arvind Fashions, Aon Consulting, Cognizant, Cummins India, IBS Software, IndusInd Bank, IIFL, Manyavar, Merilytics, Protiviti, Reliance Brands Limited, Ǫwixpert, Standard Chartered, Synergy Consulting wa TVS Motors.
31.5% kiwa yoh kreh toh ha ki kaam Consulting & Strategy neitæ 28.8% won ha ki kaam Finance, 21.2% ha ka Sales & Marketing, 8.5% ha ki kaam Human Resources & Operations, 5% ha ka General Management wa 5% ha ka IT & Analytics.
Ka tulop wa heh dooh wa em wa yoh toh Rs. 71.50 lak chi snem ha ki kaam Consulting & Strategy neitæ pynbood sa ki kaam Finance kiwa da yoh Rs. 46.05 lak chi snem.
Discussion about this post