Jowai: Ka dan waroh wa da khrong hadien wa sdang ka GST Naitung (April) 2018 toh T. 1,03,458 klur heiwa na ka CGST toh T. 18,652 klur, ka SGST toh T. 25,704 klur, ka IGST toh T. 50,548 klur (kawa kynthup ya ka T. 21,246 klur wa yoh na ki mar wa wanrah na baar ri namo Import) katwa ka dan Cess won T.8554 klur (kawa kynthup ya ka T. 702 klur wa yoh na ki mar wa wanrah na baar ri).
Ka dan hapoh ka GSTR 3B Returns kawa da file nadooh u Wisu hadooh 30 Naitung (April), 2018 toh T. 60.47 lak pyrchah ya ka 87.12 lak, ka Return neibynta u Wisu, kawa 69.5%.
U Naitung toh u bnai wow pyndap ya ka Quarterly Return neibynta ki Composition Dealers. Na ka 19.31 lak ki Composition Dealer, 11.47 lak toh kiwa pyndap ya ka Quarterly Return (GSTR 4) kawa man 59.40% wei kiwa da su ya ka dan kawa kynjoh T. 579 klur, kawa da kheiñlang chirup wa ka T.1.03 lak klur ka dan GST kawa da khrong.
Ka dan kawa da khrong waroh hapoh ka GST pynyoo i yei roi wei ku ka dan kawa da khrong ka sorkar.
Ka dan kawa da yoh da ka sorkar pyrdi (Central Government) wa ka sorkar jylla (State Government) hadien wa da kheiñsap wei da yabhah ya ka poisa neibynta u Naitung (April), 2018 toh T. 32,493 klur ka CGST wa T. 40,257 klur SGST.
Discussion about this post