Khliehriat: Ka Southern Border Youth Welfare Association (SBYWA), Elaka Rymbai & Lakadong, East Jaiñtia Hills District Khlieriat ha ka CEC kawa dep man ha ka 13 tarik uni u bnai ha ka chnong Iapmala lyngba ka Sports & Game Committee da rai ko wow pynman ya ka lympung yalehke kawa tip kam ka “1st Border Cup Invitation Football Tournament 2017”.
Ya kani ka lympung u pynman ha u Naisaphra wa u Naikhynde yong uni u snem kam chimbynta yong ka thong yong ka seiñ wow kyntu wei wow pynchlur ya ki khynroo ha ka yalehke football kawa man ka laad kamai hapoh ka jylla Meghalaya.
U Wellmiyo Syrti, Sports & Game Seretary ka seiñ da ong u wa ka dhab wa jop ya ka lympung daw rah ko ya ka song poisa kawa T. 1 lak chirup wa ki trophy katwa ka dhab wa rem won ha ka Final u yoh ko T. 50,000 chirup wa ki trophy.
Da pyntip leh wa ka bai psiah (Enter Fee) toh man ko T. 3,000 kawi ka dhab wei ym emkaam ka bai pynpsiah (register) ya ki pyrtuid yong kiwa yalehke, tangwa haap su du ya ka bai psiah cha kawi ka dhab (transfer) lada psiah ki cha kawi ka dhab yong ki bru samen namo ka Club wei ini i dor u man i iwa khian bha.
Ka thaw wow pynman ya kani ka lympung daw pyntip hadien katwa kamtæ ka seiñ da khut sñiawbha ko ya ki dhab wa na jan na jngai wow wan yachimbynta ha kani ka Tournament wa nyngkong yong ka seiñ.
Ya ki yutip wa bniah ye u phone ha kini ki number : 8794916446 / 8787611730.
Kani toh katkam ka khubor kawa pyllait da u Namphrangmi L Talang, General Secretary SBYWA, EJHD.
Discussion about this post