Jowai: Ka Direct Tax Collection namo i khrong dan hapoh ka ri da kynjoh i cha ka T. 10.03 Lak klur ha ka chi snem (Financial Year) 2017-18, yeini da ong da ka Shabri Bhattasali, Member of Central Board of Direct Taxes (CBDT), hawa e i klam ha ka Conference of Income-Tax Administrator of Eastern Zone kawa man ha Guwahati.
Ka Bhattasali da ong ko wa u montri rangbah dooh ka ri da e yaroh u ya ka tnat ha Red Fort hawa lehkmen ya ka sngi laitlooid wa 72 yong ka ri deiwa ong wa ki bru kiwa su ya ka Direct Tax da ku bha ki hawa wyrchaw wa ki snem wa dadep.
Da ong u “Katni ka ri da lai ko chaphrang hei kreh hok neibhah wa nadooh u 2013, 70 snem nachwa em 4 klur ngut kiwa su ya ka Direct Tax tangwa katni da em hadooh 6 klur tam kiwa su”.
Ha u snem 2017-18, em hadooh 6.92 klur kiwa file Income Tax Return iwa mut wa da em sa 1.31 klur ngut hawa wyrchaw wa u snem 2016-17 heiwa da em du 5.61 klur kiwa File Return.
U LC Joshi Ranee, Principal Chief Commissioner Income Tax, North Eastern Region hawa e i klam da ong u hapoh ka thaaiñ mihsngi T. 7,097 Klur da pynlang kam ka dan ha u snem 2017-18 iwa da ku da 16.7 percent hawa wyrchaw ya ka T. 6,082 klur wa pynlang ha u snem wa chwa. Da ong chooh chooh u wa ka thong wow pynlang dan na kani ka thaaiñ neibynta u snem 2018-19 da booh T. 8,357 klur.
Da pyntip u leh wa da sdang wai ya ki Aaykar Seva Kendras heiwa da wai 22 na ki 29 tylli ki station hapoh thaaiñ mihsngi wei da thooh laad leh wa kammon wow pynsuk ya ki paidbah.
Kani ka Conference da pynman biang ya ka ha Guwahati hadien san snem heiwa da wan embynta da ki 60 ngut ki sahep yong ka Income-Tax Department na ka Eastern Zone.
Discussion about this post