Ka chnat Tourism ka sorkar Meghalaya, da sdang ko ya ka yakob pynmiat ya ki dong ki chnong ka Meghalaya kawa da e pyrtuid ‘Meghalaya Locality Beautification and Enhancement Competition’ neibynta ki dong ka chnong Shillong, Tura wa Jowai kam chibynta i sdang nyngkong.
Ki dong kini ki le tylli ki chnong ye ki wow jop T. 5,00,000 hadooh T. 10,00,000 katkam i heh i dong.
Neiliang ka sorkar da ong ko wa ini toh kam chibynta wow pynkupbor ya ka imlang sahlang wow pynmiat ya ki jar jiar ki dong yow khriñ leh ya kiwa uiñke suwari.
Da ong leh wa ki thong man ki wow pynphooh pynkhai im yei miat ki dong ka Shillong, Tura wa Jowai, yow e yarap poisa yow niaam rong i wym toh du wow puchara, i pynmiat dur ya ki chram ki kynroh deiwa dro da ki dur, u pynmiat ya ki chram yung wa kiwi kiwi iwa chong hei emkaam.
Chooh chooh leh ini man ko yow pynchlur ya ki kaam uiñke suwari ha ki thaw wa man sor ha Meghalaya kamjooh yow em i sñiawsarong wa i kitkhlieh para kiwa chong chnong.
Kam chibynta wow sdang ya ini daw leh nyngkong du hapoh Shillong, Tura wa Jowai donhi.
Ya ki dong wa em ha Shillong wa Jowai, ki Dorbar Chnong wow yahkhmat wow leh ya ini katwa ha Tura ki Locality Development Committee wa da jied da u DC daw pynkrehkaam ki ya ini.
Ya ka yutip wa bniah ye wow lai ha kani ka Link ha wah:
