I khrong dan lyngba ki FASTag ha ki sarokbah ka ri da chem wa da ku bha i da kamwa 23% ha ki 4 sngi wa da lai heiwa du ha ka 19 tarik ka dang dep, i yoh na ki FASTag da kynjoh i T. 102 klur da ong ko ka khubor ka TOI.
Ha ka tayaw wa dadep da yoo wa i su dan da ka poisa ha ki Toll Plaza da hiar i da 10% iwa da pyntikna wa ym laitrood (Leakage) ka poisa wa khrong da ka National Highways Authority of India (NHAI).
Ka NHAI da pynmih hukum ko wa ki kari waroh kiwa lai lyngba ki Toll Plaza ha ka ri toh u em FASTag wei ini da krehkaam i nadooh ka 16 tarik uni u bnai.
Ka sorkar da angnood ko leh wa i pynkrehkaam FASTag daw pynduna ko yei sahkut kari, pynduna yei lut i por kamjooh leh i phñiang.
Ka Ministry of Road Transport and Highways, da ong ko wa i pynkrehkaam FASTag toh wow khrong ya ka dan ki kari deiwa pynemkaam da ka Radio Frequency Identification (RFID) ka wow ah ya ka poisa na ka FASTag ki kari.
