U montri wa pait ya ki kaam pynroi ha ka thaaiñ mihsngi (Ministry of Development of North Eastern Region), u Dr. Jitendra Singh ynnin da pynman yalang u lyngba ka Video Conference, wa ki sahep ka Ministry of DoNER, North Eastern Council (NEC) wa ka NEDFI heiyatoh wa i yakhun ki jylla ka thaaiñ ya ka khlam u COVID-19.
Ha kani ka yalang da emlang u Secretary Ministry of DoNER, Addl. Secy. MDoNER, Secretary NEC, CMD North Eastern Development Finance Corporation Ltd (NEDFi) wa kiwi kiwi ki sahep ka MDoNER wa ka NEC.
Da pyntip wa ka lockdown da krehkaam bha ka ha ka thaaiñ mihsngi khamtam kawa em ki pood wa da khang sbak wa kiwi ki ri wa jrong kamwa 5500 km.
Neiliang ka Ministry/NEC da rai ko wow pynlait T. 25 klur ya ki jylla ka thaaiñ wow pyndap yeiwa duna heiyatoh wa i yakhun pyrchah ya ka khlam u COVID-19.
Kani ka poisa ye u pynemkaam ya ka ha kiwon kiwon ki kaam wow yakhun ya ka khlam u COVID-19 wei kini ki kaam ymtoh u kynthup ki ya kiwon kiwon kiwa da e da ka sorkar pyrdi.
Chooh chooh da pyntip wa kani ka poisa ym kynthup ko ya kiwi ki kaam pynroi (Scheme) wa jooh e da ka Ministry of DoNER/NEC cha ki jylla.
Heiyatoh wa ini ka DoNER/NEC da rai ko wow e ya ka sorkar jylla Meghalaya hadooh T. 3 Klur.
Neiliang ka Ministry da kyntu ko leh wow pynkhlan ya ki kaam wa yatoh wa i chait i khiah (Health Infrastructure) ha kini ki jylla hapoh ka programme NESIDS wei da kyntu leh ya ki jylla wow e ya ki tyrwa emkaam (Proposal) chwa ka 6 tarik uni u bnai wei daw kheiñkor bha ya kini.
Discussion about this post