Shillong: U Superintendent of Police (Traffic) East Khasi Hills u B.J. Laloo da pyntip u wa ha u bnai Wisu (March) lyngba ki pyndaiñ kuna wa boon jait hei yatoh wa ki kaam kari da yoh T. 6,65,450 kawa ku na ka T. 5,17,660 kawa yoh ha u Thohlakhmi (Feb) uni u snem.
461 sien toh kiwa cha pyndaiñ kuna wa pynyieñ kari ha ki thaw wym chah u pynyieñ, 396 ngut kiwa yah kari khlem pyndait Seatbelt, 288 ngut kiwa yah kari khlem License, 36 sien kiwa yah kari khlem biang Permit wa 49 ngut kiwa yah thuk thuk khlem sap Helmet, kini waroh da pyndaiñ kuna katkam ka aiñ Motor Vehicle Act.
U SP leh da pynkynmoo u ya ki paidbah wym hoi u pyndait Silencer da kiwa heh i sur wei wym hoi u pyndait ya ki Light kari kiwa khlan bor wei toh u pynemkaam du kiwa em nadooh wa thied kari.
Da pyntip u leh wa da khang ya ki karkhana wow chna kari ki ha sarok paidbah ki luti chnong wa kiwi kiwi.
Discussion about this post