Jowai : Ki pulit ka Jowai Police Station lyngba ka Traffic Branch da pyntip ki wa nadooh u Naiynru ka Traffic Branch ka Jowai Police da daiñ kuna ki hadooh T. 7,43,150 (Tanka Ynñiaw lak soophaw le hajar chispah sanphaw) na kiwa yah kari wa kiwa yah thuk-thuk.
Ya ini i daiñ kuna da leh nadooh u Naiynñiaw (July) hadooh u Kmaichonglad (December) 2016.
Ha ki ynru bnai chwa yeini iwa mut na u Duyatra (January) hadooh u Naiynru (June) da yoh ki hadooh T. 7,60,350 (Tanka Ynñiaw lak ynruphaw hajar le spah sanphaw) na ki wa yah kari yah thuk thuk.
Ya ini i daiñ kuna da daiñ ya kiwa ym em License, muaaid, wym daiñ seatbelt, wa pynyieñ kari ha ki No Parking, ki wym em signal, wa kiwi kiwi.
Ya ka kuna da daiñ ya kitu kiwa da tyngkheiñ ya ka aiñ Motor Vehicle Act.
Discussion about this post