Shillong: Hapoh i yahluti yong u Justice Mohammad Yaqoob Mir, Chief Justice ka Meghalaya High Court uwa man leh kam u Patron-in-Chief yong ka Meghalaya State Legal Services Authority, ynne ka sngi da pynman ya ka National Lok Adalat hapoh yong ka National Legal Services Authority (NALSA).
Ya kani ka Lok Adalat da pynman da ka Meghalaya State Legal Services Authority ha waroh kawi ka jylla kam ha High Court of Meghalaya, ki District Court wa ki Sub-Divisional Court kamjooh leh ha ki District Council Court ha Shillong, Jowai wa Tura.
Ha kani ka sngi da chong bichaar hadooh kamwa 1751 tylli ki mukotduma kiwa da sahteiñ nadooh ki kaam damok, ki kaam thaw, poisa poilaiñ, ki ram na ki Bank wa kiwi kiwi.
Na kini ki mukotduma da ye u pynkut hadooh 329 tylli ki mukotduma wei ka kaam poisa wa da ye u pynyasuk da kynjoh ko hadooh T. 80,46,203.
Discussion about this post